Avvis al manuvratur (Ernesto Colombani)

Gh'è un appält fatt par pudä

e un appält fatt par spalä.

Tucca po al manuvratur,

cuntrullä chi fa al laur.

Vëd se tütt ha fatt con smält,

chi ha vinsì al noss appält.

Ävma vist anca cull d'l'erba

e dill büs che i vegn' a bärba...

Ma i prublema i vann a co,

an i'enn mia di revulò.

In dill fotu la brüttisia,

na spunzgnäda d'una bisia.   

Ma vöt mëtt che a i'elezion,

oh Signur! Ag sia 'l stramlòn?

L'elettur al g'ha un difett,

al vuriss tütt quant parfett.

Tütt da frëssa ma fatt bein,

sennò al tacca a fä al s'ciümlein.

Al culur dal noss Cumöin,

dal cilest al sa fa bröin.

Culur fucsia, co' un po' ad rüzna,

tütt summä al sarà sfrüsna.